Почитуван г-дине Претседател на Република Северна Македонија, г-дин Стево Пендаровски,

Почитуван г-дине Претседател на Собранието на Република Северна Македонија, г-дин Талат Џафери,

Почитувани амбасадори,

Почитувани присутни,

Пред се, сакам да ѝ се заблагодарам на првата македонска новинарка која известуваше од зоната на воени дејствија во Украина, г-ѓа Кристина Атовска и нејзиниот тим за огромната работа - создавање филм посветен на војната на русија против Украина.

Овој филм е за болка, за загуба, за уништување.

И овој филм е за украинскиот отпор, за храброста на украинските бранители, за поддршката на Украина од целиот цивилизиран свет.

Високо ја ценам храброста на г-ѓа Кристина. Вие, ризикувајќи го својот живот, бевте во зоната на воени дејствија за да снимите и пренесете вистинити информации за воената агресија на рф против Украина.

Ваша работа е информативниот фронт - да пренесете објективни информации за воените злосторства на рф и злосторствата против човештвото извршени од руските окупатори во Украина.

Сметам дека граѓаните на Северна Македонија имаат право на вистинити информации за злосторствата на кремљ во Украина и треба да ја разликуваат лагата, која ја претставува пред сè руската амбасада во Скопје, како и руските фактори кои имаат информативно влијание.

Госпоѓо Кристина, Вашата херојска работа е значајна поддршка за украинскиот народ.

Северна Македонија им помага на Украинците уште од првите денови на руската инвазија - обезбедува воена, финансиска, хуманитарна помош и поддршка во рамки на сите меѓународни организации.

Вашето присуство овде е голема морална поддршка за Украинците.

Госпоѓо Кристина, се надевам дека Вашиот следен филм ќе биде за победата на Украина, која, всушност, веќе победи!

Искрено Ви благодарам на сите за поддршката!