Министерот за надворешни работи Бујар Османи: „Денеска во Украина гинат цивили, деца, жени, болни од бомбардирани болници, од недостиг на храна, вода, лекови…Сензибилноста наша е поголема од сите други да се покажеме солидарни да излеземе во помош денеска на луѓето кои имаат потреба. Важно е да се мобилизираме сите да им помогнеме на луѓето“.
Амбасадорката на Украина Наталија Задорожњук ѝ се заблагодари на Република Северна Македонија за јасната поддршка на Украина: санкции, затворено небо за руските авиони, помош за бегалците, хуманитарна помош. „Сега русија води војна со целиот цивилизиран, демократски свет и Украина се наоѓа на предната линија на оваа војна. Многу ни е тешко, Русија сака да ја уништи Украина, да ја уништи демокраатијата и слободата во близина на своите граници. Но, ние се бориме и ќе се бориме бидејќи ние се наоѓаме на нашата земја и целиот цивилизиран свет е со нас“