На 6 септември 2023 година, во Украина се одржа Третиот самит на првите дами и господа и Сателитниот самит на министрите за здравство, на кој учество земаа Првата дама на РСМ, г-ѓа Елизабета Ѓоргиевска, и Заменик министерката за здравство, г-ѓа Маја Манолева.

Според резултатите од студијата „Ментално здравје и односот на Украинците кон психолошката помош за време на војната“, спроведена од социолошката компанија Gradus Research во рамки на иницијативата на Првата дама, г-ѓа Олена Зеленска, за создавање на Сеукраинска програма за ментално здравје, 40-50% од населението на Украина ќе има потреба од психолошка поддршка со различен степен на интензитет: 5,1 милиони - постари лица, 4,1 милиони - внатрешно раселени лица, 2,6 милиони - деца и адолесценти, 1,5 милиони – воени лица и ветерани.

Покрај тоа, од почетокот на војната од големи размери на русија против Украина, приближно 80% од Украинците имаат роднини или познаници кои умреле или биле повредени. Затоа темата за ментално здравје е особено важна денес!

За време на Третиот самит, Република Северна Македонија се приклучи на кон Изјавата за развој на одржливо меѓународно партнерство во областа на здравствената заштита, а исто така се одржа потпишување на два меморандуми за соработка меѓу украинските и македонските клинички институции.

Меморандумите, меѓу другото, предвидуваат можност за сеопфатен развој на билатералните односи меѓу здравствените установи на Украина и Република Северна Македонија со цел размена на искуства и најдобри практики на медицинскиот менаџмент, подобрување на квалитетот на медицинските услуги и зајакнување на меѓународното медицинско партнерство.

Помагаме во развојот на соработката меѓу Украина и Северна Македонија во областа на здравствената заштита.

Искрено благодариме за поддршката и помошта!