По повод 30-тата годишнина од обновувањето на независноста на Украина, на 20 август 2021 година, амбасадорката на Украина во Република Северна Македонија, Наталија Задорожњук ја отвори украинската програма во рамките на познатиот меѓународен филмски фестивал на документарни филмови „ MakeDox“.

Наталија Задорожњук: „Среќни сме што имаме многу добри резултати во развојот на украинско -македонските односи - активен политички дијалог, зголемена економска соработка, зајакнување на соработката во областа на културата и јавната дипломатија. И денешниот настан е потврда за тоа. Им благодариме на нашите режисери - Гана Јарошевич, Зоја Лактинова, Алина Горлова, Оксана Карпович за моќното претставување на Украина “.

Македонската јавност цела недела ќе има можност да се запознае со модерните дела на украинското документарно кино.

Во рамките на настанот се отвори и изложба на украински уметници кои презентираа слики и ракотворби. Им благодариме на Снижана Мелник, Марјана Велковска, Тетјана Урбанович за достојната промоција на Украина!