Денес, на Денот на сеќавање на жртвите на геноцидот на кримско-татарскиот народ, не само што го почитуваме споменот на илјадниците невини жртви на злосторствата на сталинистичкиот режим. На овој ден потсетуваме дека во XXI век беа обновени репресиите против Кримските татари кога во 2014 година Русија го окупираше Крим. Стотици украински граѓани на Крим, вклучително Кримските Татари, станаа жртви на политички репресии со измислени обвиненија.

Нариман Џељал, прв Заменик-шеф на Кримско-татарскиот Меџлис, украински активист, кримско-татарски политичар, новинар и учител стана еден од затворениците на Кремљ. Тој може да се соочи со казни до 20 години затвор под обвинение за оштетување на гасовод во Симферополската област. Меѓутоа, тој ден, Нариман Џељал беше во Кијив на Самитот на Кримската Платформа. Тоа заедно со неговото неприфаќање на руската анексија на Крим доведе до негово апсење.

На годишнината од трагедијата, Нариман Џељал, како еден од водачите на Кримските Татари, апелира до својот народ и ги повикува да ја продолжат борбата.

Нариман Џељал: „Луѓе мои, вие имате сила да го издржите овој нов предизвик. Треба само да стоите цврсто на сопствената земја и да ја сакате.

Не плашете се од вистината, без разлика колку тежок и болен би бил вашиот пат до неа. Запомнете ја вашата љубов кон слободата и правдата и не им дозволувајте да ја срамнат со земја. Не ја менувајте за несигурни придобивки од рацете на непријателите.

Издржавте во минатото, ќе издржите и денес“.

МНР на Украина прави максимални напори да ги ослободи украинските политички затвореници што е можно поскоро. Овие прашања ги задржуваме на агендата на билатералните разговори со нашите странски партнери, како и на агендата на меѓународните организации.

#FreeNariman